Estas condicións rexen para os grupos que desexen reservar o xantar ou a cea nas instalacións do Náutico de Castrelo. Enténdese por grupo todo aquel que teña 10 ou máis integrantes.
- O grupo designará unha persoa que terá o carácter de “contratante” co Náutico de Castrelo para as xestións da reserva e delimitar os servizos.
- Os prezos inclúen o IVE vixente.
- De darse o caso, a denominación “Bebida incluída” non é un servizo de barra libre. Inclúe unha bebida por persoa da seguinte listaxe: auga mineral, refresco, cervexa básica (Estrella Galicia, Mahou, caña ou clara), cervexa sen alcol (Estrella Galicia 0,0, SuperBock negra) ou viño DO Ribeiro Anciño (media botella por persoa).
- As bebidas serviranse ao inicio do convite. Cobraranse a maiores do prezo pactado as servidas con posterioridade e pedidos pola Contratante.
- Os primeiros platos irán ao centro para compartir, os segundos irán emplatados individualmente e as sobremesas ao centro (agás acordo distinto).
- Os menús non inclúen por defecto café, licores ou copas adicionais, agás indicación expresa.
- A partires de 1 000 € será obrigatorio aportar datos fiscais da Contratante para a emisión de factura. No caso de desexar facturas nominativas individualizadas deberá indicarse con antelación; serán remitidas por correo-e á Contratante. No día do convite entregaranse facturas simplificadas, unha por pagamento.
- A reserva para o grupo considerarase en firme tralo pagamento anticipado do 25% do prezo do menú, mínimo 15 días antes do evento. O resto abonarase no mesmo día da celebración en efectivo, tarxeta bancaria ou transferencia.
- No que atinxe aos pagamentos en efectivo terase en conta a limitación legal en vigor nese momento (2 500 euros a 1 de xaneiro de 2019).
- O horario contratado do inicio será respectado escrupulosamente. A esa hora tomarase nota das bebidas e a seguir serviranse os primeiros.
- Respectarase o horario de peche do servizo de cociña.
- Agás acordo en contra, deixarase ceibe a sala unha hora despois de servirse as sobremesas para que o persoal poida proceder á limpeza.
- Unha semana antes da data (ou luns anterior, se cadra en fin de semana) comunicarase: número comensais, hora inicio e alerxias . O mesmo día admitiranse variacións no número menores do 5%. O Náutico de Castrelo resérvase o dereito a cobrar todos os menús contratados que excedan esa cantidade de non sermos informados 48 horas antes.
- Desde o Náutico de Castrelo ofreceremos, nas nosas posibilidades, adaptación para alerxias alimentarias sen sobrecuste, avisando anticipadamente.
- Non se devolverán reservas de anulacións con menos de 48 horas.